Իսպանիայի ֆուտբոլի ֆեդերացիան ՈւԵՖԱ-ին առաջարկել է 2020-2021 թվականների մրցաշրջանում Եվրոպայի լիգայի եզրափակիչն անցկացնել Սեւիլիայի «Ռամոս Սանչես Պիսխուան» ստադիոնում՝ ի հիշատակ հունիսի 1-ին ավտովթարում զոհված իսպանացի ֆուտբոլիստ Խոսե Անտոնիո Ռեյեսի։
Ավելի վաղ ՈւԵՖԱ-ն հայտարարել է, որ 2021թ․ Եվրոպայի լիգայի եզրափակիչի անցկացմանը հավակնում են Թբիլիսին եւ Սեւիլիան։
35 տարեկանում մահացած Ռեյեսը «Սեւիլիայի» սան էր։ Գլխավոր թիմում նորամուտը նշել էր 1999-ին, 2004թ․ հունվարին 20 միլիոն եվրոյով տեղափոխվել էր Լոնդոնի «Արսենալ»։ 2006-2007-ի մրցաշրջանում նա վարձակալությամբ հանդես էր եկել Մադրիդի «Ռեալում»։ Հետագայում ներկայացրել է «Աթլետիկոն», «Բենֆիկան», «Էսպանյոլը», չինական «Սինցզյան Տյանշանը», «Էստրեմադուրան»։
Ռեյեսը Եվրոպայի լիգայի հնգակի գավաթակիր է։ Երեք անգամ նա տիտղոսը նվաճել է «Սեւիլիայի», երկու անգամ՝ «Աթլետիկոյի» հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։