Մադրիդի «Ռեալի» ավագ Սերխիո Ռամոսը մեկնաբանել է բելգիացի կիսապաշտպան Էդեն Ազարի տեղափոխությունը Լոնդոնի «Չելսիից» Արքայական ակումբ։
«Կարծում եմ՝ գերազանց տրանսֆեր է։ Ազարը միջազգային կարգի խաղացող է։ Նա կուժեղացնի թիմը»,- Ռամոսի խոսքը մեջբերում է Goal.com-ը։
Ռամոսը նաեւ նշել է, որ արտահերթ մամուլի ասուլիս էր հրավիրել, որպեսզի վստահեցնի «Ռեալի» երկրպագուներին, որ հեռանալու մտադրություն չունի եւ ցանկությունն է կարիերան ավարտել Մադրիդում։
33-ամյա իսպանացի պաշտպանը Իսպանիայի ավարտված առաջնությունում մասնակցել է 28 հանդիպման, խփել 6 գոլ։
Հունիսի 13-ին տեղի կունենա Էդեն Ազարի շնորհանդեսը «Ռեալում», որի հետ նա կնքել է հինգ տարվա պայմանագիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։