Norway Chess․ Լեւոն Արոնյանն ու Դին Լիրենը հաղթողին չպարզեցին
22:27 9 հունիսի, 2019Նորվեգիայի Ստավանգեր քաղաքում շարունակվող Norway Chess սուպերմրցաշարի 5-րդ տուրում հայկական շախմատի առաջատար Լեւոն Արոնյանը սեւերով խաղաց չինացի Դին Լիրենի դեմ։
Դասական պարտիայի 33-րդ քայլում գրոսմայստերները համաձայնեցին ոչ ոքի արդյունքի։ Կայծակնային խաղի «արմագեդոն» պարտիայում 97 քալից հետո եւս հաղթող չեղավ: «Արմագեդոնում» սեւերով հանդես եկած շախմատիստին ոչ ոքիի դեպքում, շնորհվում է հաղթական 1 միավոր։
Լեւոն Արոնյանը 6 միավորով երրորդ տեղում է եւ առաջատար, աշխարհի չեմպիոն, նորվեգացի Մագնուս Կարլսենից հետ է 2 միավոր։
Մրցակարգով դասական պարտիայում հաղթանակի համար տրվում է 2 միավոր։ Դասական պարտիայում հաղթող չունենալու դեպքում, նշանակվում է կայծակնային խաղի «արմագեդոն» պարտիա, որի հաղթողը ստանում է 1 միավոր։
Հունիսի 10-ին կայանալիք 6-րդ տուրում Լեւոն Արոնյանը սպիտակներով կմրցի ամերիկացի Ուեսլի Սոյի հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։