Եվրո-2020․ Հայաստանի հավաքականի երկրպագուների երթը Երեւանում (ուղիղ, ֆոտո)
18:24 8 հունիսի, 2019Ֆուտբոլի Հայաստանի ազգային հավաքականի երկրպագուների ՖԱՖ շարժումը սկսել է ավանդական նախախաղային երթը Երեւանում։ Արամ Խաչատրյանի արձանի մոտից երկրպագուները եռագույններով, շարֆերով, վանկարկումներով, ոգեշնչող երգերով շարժվեցին դեպի «Հանրապետական» ստադիոն:
Երկրպագուների միասնական երթն անցնում է Մաշտոցի պողոտա - Թումանյան - Հյուսիսային պողոտա - Հանրապետության հրապարակ - Խանջյան – Նար-Դոս փողոցներով։
Ֆուտբոլի Հայաստանի ազգային հավաքականը Եվրո-2020-ի ընտրական փուլի 3-րդ տուրում Վազգեն Սարգսյանի անվան «Հանրապետական» ստադիոնում կընդունի Լիխտենշտեյնի հավաքականին: Հանդիպումը կմեկնարկի 20։00-ին։
Եվրոպայի առաջնության ընտրական փուլի երկրորդ տուրից հետո երկու հավաքականներն էլ միավոր չեն վաստակել:
Միասնական երթին քիչ երկրպագուներ էին հավաքվել: Ըստ ՖԱՖ շարժման հիմնադիր նախագահ Սերգեյ Ջանջոյանի, պատճատն այն է, որ Հայաստան - Լիխտենշտեյն խաղի համար շատ քիչ տոմս է վաճառվել:
Լուսինե Շահբազյան
Ֆոտո՝ Էմմա Ասատրյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։