«Ռեալը» 5 տարվա պայմանագիր կնքեց Էդեն Ազարի հետ

Բելգիացի կիսապաշտպան Էդեն Ազարը տեղափոխվեց Մադրիդի «Ռեալ», որի հետ կնքեց հինգ տարվա պայմանագիր, հայտնում է Արքայական ակումբի պաշտոնական կայքը։

Առաջիկայում տեղի կունենա ֆուտբոլիստի բուժզննումը։ Այլ մանրամսսներ չեն ներկայացվում։

Ֆուտբոլիստի շնորհանդեսը մադրիդյան ակումբում տեղի կունենա հունիսի 13-ին։

Ոչ պաշտոնական տվյալներով, «Ռեալը» նրա համար «Չելսիին» կվճարի 100 միլիոն եվրո։ Եվս 30 միլիոն եվրո անգլիական ակումբը հետագայում կստանա բոնուսների տեսքով։

Անգլիայի ավարտված առաջնությունում 28-ամյա ֆուտբոլիստը մասնակցել է 37 հանդիպման, խփել 16 գոլ, կատարել 15 գոլային փոխանցում։