Քունգ ֆուի աշխարհի գավաթի մրցաշար Երեւանում

14:05   7 հունիսի, 2019

Երեւանում hունիսի 8-9-ին կանցկացվի qունգ ֆուի աշխարհի գավաթի մրցաշար, որին մասնակցելու համար Հայաստան է ժամանել 17 երկրի շուրջ 300 մարզիկ:

Աշխարհի գավաթի առիթով Հայաստանում են արեւելյան մարտարվեստների միջազգային տարբեր կառույցերի ներկայացուցիչներ՝ Շանհայից արեւելյան մենամարտերի հայտնի վարպետ, մրցումների տեխնիկական եւ մրցավարական հանձնաժողովի կորպուսի ղեկավար Ֆու Մինվեյը, չինական ավանդական ըմբշամարտի եվրոպական ֆեդերացիայի փոխնախագահ Ժան-Լյուկ Լեսյեն, Ռուսաստանի քունգ ֆուի ֆեդերացիայի նախագահ, քունգ ֆուի IKFF միջազգային ֆեդերացիայի փոխնախագահ Կամիլ Ռաբադանովը, հայկական սեւ գոտիներ ասոցիացիայի նախագահ Կարո Քեբաբջյանը:

Հայաստանի քունգ ֆուի ֆեդերացիայի նախագահ Սարգիս Հարությունյանի խոսքով՝ Երեւանում կայանալիք աշխարհի գավաթը մեծ տոն կլինի արեւելյան մարտարվեստների սիրահարների համար:

«Հայաստանում միջազգային ֆեդերացիայի նախաձեռնությամբ անցկացվում է քունգ ֆուի առաջին աշխարհի գավաթը: Անցյալ տարի մենք նախաձեռնեցինք քունգ ֆուի բաց առաջնություն Երեւանում, ինչը դուր էր եկել միջազգային կառույցին ու արդյունքում առաջին աշխարհի գավաթի կազմակերպումը վստահվեց մեր երկրին: Մրցաշարն անցկացվելու է քունգ ֆուի 5 ոճերով: Կլինեն նաեւ ցուցադրական ելույթներ չինացի հյուրերի մասնակցությամբ»,-ասաց Սարգիս Հարությունյանը:

Քունգ ֆուի աշխարհի գավաթի պաշտոնական բացումը տեղի կունենա հունիսի 8-ին, 19:00-ին «Միկա» մարզահամալիրում:

Լուսինե Շահբազյան



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։