Հայաստանի գավաթակիր Երեւանի «Ալաշկերտը» երկկողմանի համաձայնությամբ խզել է պայմանագրերը պաշտպաններ Լևոն Հայրապետյանի և Գորան Անտոնիչի, կիսապաշտպաններ Արտակ և Արթուր Եդիգարյանների, Ջոել Դամահուի, հարձակվողներ Էդգար Մանուչարյանի և Ալեքսանդր Պրուդնիկովի հետ:
«Արտակ և Արթուր Եդիգարյանները իրենց ներդրումն են ունեցել «Ալաշկերտի» նշանակալի հաջողություններում` «Ալաշկերտի» կազմում դառնալով Հայաստանի եռակի չեմպիոն, կրկնակի սուպերգաթակիր և գավաթակիր: Նշված բոլոր ֆուտբոլիստները այս մրցաշրջանում «Ալաշկերտի» հետ նվաճել են Հայաստանի գավաթը:
«Ալաշկերտ» ֆուտբոլային ակումբը շնորհակալություն է հայտնում ֆուտբոլիստներին և հաջողություն է մաղթում նրանց հետագա կարիերայում»,- նշվում է ակումբի հաղորդագրությունում:
«Ալաշկերտը» հունիսին կսկսի պայքարը Եվրոպայի լիգայի որակավորման առաջին փուլում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։