ՉԼ-ի խորհրդանշական հավաքական․ Մոուրինյոյի տարբերակը

14:27   3 հունիսի, 2019

«Պորտուի», «Ինտերի», «Ռեալի», «Չելսիի», «Մանչեսթեր Յունայթեդի» նախկին գլխավոր մարզիչ, պորտուգալացի Ժոզե Մոուրինյոն ամփոփել է Չեմպիոնների լիգայի մրցաշրջանը՝ կազմելով խորհրդանշական հավաքականը։

«Մրցաշրջանի լավագույն դրապասապահը «Լիվերպուլի» խաղացող Ալիսոն Բեքերն է։

Եզրային պաշտպաններն են Չեմպիոնների լիգայի գավաթը նվաճած Էնդրյու Ռոբերտսոնն ու Տրենտ Ալեքսանդր-Առնոլդը։  Պաշտպանության կենտրոնի արքան «Լիվերպուլի» ներկայացուցիչ Վիրջիլ վան Դեյքն է։ Երկրորդ պաշտպանը կենտրոնում Մատեսյ Դե Լիգտն է «Այաքսից»։

Կիսապաշտպանության կենտրոնում նախապատվությունը տալիս եմ «Այաքսի» երիտասարդ խաղացողներ Ֆրենկի Դե Յոնգին եւ Դոնի վան դե Բեկեին։

Երրորդ կենտրոնական կիսապաշտպանը Կրիստիան Էրիկսենն է «Տոտենհեմից»։

Հարձակվողների եռյակում կնշեմ Մոհամեդ Սալահին, Սադիո Մանեին եւ Լիոնել Մեսիին։ Կրիշտիանու Ռոնալդուին չեմ նշում, քանի որ «Յուվենտուսը» չկարողացավ հասնել եզրափակիչ»,- Մոուրինյոյի խոսքը մեջբերում է RT-ն։

Հիշեցնենք, որ Չեմպիոնների լիգայի եզրափակիչում «Լիվերպուլը» 2։0 հաշվով հաղթել է Լոնդոնի «Տոտենհեմին»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։