Մեսին՝ Չեմպիոնների լիգայի լավագույն ռմբարկու

02:27   2 հունիսի, 2019

Չեմպիոնների լիգայի ավարտված մրցաշրջանի լավագույն ռմբարկուն «Բարսելոնայի» արգենտինացի հարձակվող Լիոնել Մեսին է, որը 10 խաղում խփել է 12 գոլ։ Երկրորդ տեղում է Ամստերդամի «Այաքսի» սերբ հարձակվող Դուշան Տադիչը։ Նա 18 խաղում (6 խաղ՝ որակավորման փուլում) խփել է 9 գոլ։

Լավագույն եռյակը եզրափակեց Մյունխենի «Բավարիայի» լեհ հարձակվող Ռոբերտ Լեւանդովսկին՝ 8 գոլ է խփել 8 խաղում։

Թուրինի «Յուվենտուսի» պորտուգալացի հարձակվող Կրիշտիանու Ռոնալդուն 9 խաղում աչքի է ընկել 6 անգամ եւ 5-7-րդ տեղերը բաժանել է անգլիական «Մանչեսթեր Սիթիի» արգենտինացի հարձակվող Սերխիո Ագուերոյի եւ պորտուգալական «Պորտուի» եւ Մալիի հավաքականի հարձակվող Մուսա Մարեգայի հետ։

Չեմպիոնների լիգայի 6-ակի գավաթակիր դարձավ «Լիվերպուլը»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։