Յուրգեն Կլոպ․Խաղից 20 րոպե հետո արդեն հարբած եմ լինում, բայց հիմա միայն ջուր եմ խմում
02:04 2 հունիսի, 2019Սովորաբար խաղից 20 րոպե հետո ես արդեն հարբած եմ լինում, բայց հիմա միայն ջուր եմ խմում, ասել է անգլիական «Լիվերպուլի» գլխավոր մարզիչ Յուրգեն Կլոպը Չեմպիոնների լիգայի եզրափակիչում Լոնդոնի «Տոտենհեմի» նկատմամբ տարած 2։0 հաշվով հաղթանակից հետո։
«Սա լավագույն գիշերն է մեր պրոֆեսիոնալ կյանքում։ Անչափ ուրախ եմ այս տղաների եւ իմ ընտանիքի համար։ Նրանք մաքառեցին այս հաղթանակի համար, պայքարեցին ինձ համար։ Նրանք բոլորից շատ են արժանի այս գավաթին։
Մենք ունենք գերազանց դարպասապահ, որի շնորհիվ բարդ բաներն այսքան հասարակ են թվում։
Այս հաղթանակը կարեւոր է մեր զարգացման եւ կատարելագործման համար։ Ակումբի սեփականատերերը երբեք ճնշում չեն գործադրել»,- Կլոպի խոսքը մեջբերում է BBC-ն։
«Լիվերպուլը» 6-րդ անգամ նվաճեց եվրոպական չեմպիոնների գավաթը։ 14 տարի առաջ անգլիական թիմը Չեմպիոնների լիգայում հաղթել էր իսպանացի Ռաֆայել Բենիտեսի գլխավորությամբ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։