Ստեփանակերում տեղի ունեցավ Եվրոպայի չճանաչված երկրների ֆուտբոլային առաջնության (CONIFA Sportsbet.io European Football Cup 2019) բացման հանդիսավոր արարողությունը։
Առաջին տուրի հանդիպումները կանցկացվեն հունիսի 2-ին։ Խմբային փուլը կավարտվի հունիսի 4-ին, 2 օր անց նախատեսված են կիսաեզրափակիչի խաղերը։ Եզրափակիչ հանդիպումը տեղի կունենա հունիսի 9-ին։
Արցախի հավաքականի մրցակիցները A խմբում կլինեն Աբխազիայի, Չամերիայի (Հյուսիս-արեւմտյան Հունաստանի տարածք, ալբանացի չամեր), Սապմիի (Լապլանդիա՝ Նորվեգիայի, Շվեդիայի, Ֆինլանդիայի հյուսիսային տարածքներ) թիմերը։
B խմբում Արեւմտյան Հայաստանի հավաքականը կմրցի Պադանիայի (Հյուսիսային Իտալիա), Շեկելիլենդի (Ռումինիայի կենտրոնական հատվածում բնակվող հունգարացիներ) եւ Հարավային Օսիայի հավաքականների հետ։
Բոլոր խաղերի մուտքն ազատ է։
Սամվել Սուքիասյան (Ստեփանակերտից)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։