Մադրիդում կայանալիք Չեմպիոնների լիգայի «Տոտենհեմ» - «Լիվերպուլ» եզրափակիչը կսկսվի լռության րոպեով՝ հունիսի 1-ին ավտովթարում զոհված իսպանացի ֆուտբոլիստ Խոսե Անտոնիո Ռեյեսի հիշատակին, հաղորդում է BBC-ն։
Ռեյեսը 35 տարեկան էր։ «Սեւիլիայի» սանը վերջին շրջանում հանդես էր գալիս «Էստրեմադուրայում»։
«Սեւիլիայի» գլխավոր թիմում Ռեյեսը նորամուտը նշել էր 1999-ին, 2004թ․ հունվարին 20 միլիոն եվրոյով տեղափոխվել էր Լոնդոնի «Արսենալ»։ 2006-2007-ի մրցաշրջանում նա վարձակալությամբ հանդես էր եկել Մադրիդի «Ռեալում»։ Հետագայում ներկայացրել է «Բենֆիկան», «Էսպանյոլը», չինական «Սինցզյան Տյանշանը»։ «Էստրեմադուրա» էր տեղափոխվել 2019թ․ հունվարին։
Հունիսի 1-ին Իսպանիայի մայրաքաղաքի «Վանդա Մետրոպոլիտանո» ստադիոնում կայանալիք եզրափակիչը կմեկնարկի Երեւանի ժամանակով 23։00-ին։
A minute's silence will be observed before the #ChampionsLeague final in Madrid in memory of José Antonio Reyes who has died in a traffic accident.
— BBC Sport (@BBCSport) June 1, 2019
Full story https://t.co/pYAsP2wkpk #UCLFinal #UCLFinal19 pic.twitter.com/p9ZDkf9NFK
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։