Սադիո Մանե․ 2016-ին կարող էի տեղափոխվել «Մանչեսթեր Յունայթեդ», բայց զանգեց Կլոպը

Անգլիական «Լիվերպուլի» սենեգալցի հարձակվող Սադիո Մանեն հայտնել է, որ 2016-ին կարող էր տեղափոխվել «Մանչեսթեր Յունայթեդ», սակայն վերջին պահին ընտրել է «Լիվերպուլը»։

«Ես շատ մոտ էի «Մանչեսթեր Յունայթեդ» տեղափոխվելուն, հանդիպեցի նրանց մարզիչ Լուի վան Գալի հետ։ Նրանք առաջարկ արեցին, բայց  ինձ զանգեց Կլոպը եւ ասաց՝ «Ես կարծում եմ, որ մենք ենք ճիշտ ակումբ քեզ համար։ Ես կարծում եմ, որ քեզ համար ավելի լավ կլինի տեղափոխվել «Լիվերպուլ»»։ Եվ ես ընտրեցի «Լիվերպուլը»»,- Մանեի խոսքը մեջբերում է Mirror-ը։

Հունիսի 1-ին Մադրիդում կայանալիք Չեմպիոնների լիգայի եզրափակիչում «Լիվերպուլը» կմրցի «Տոտենհեմի» հետ։ Հանդիպումը կմեկնարկի Երեւանի ժամանակով 23։00-ին։