Երեւանում անցկացվելիք Եվրո-2019-ի վիճակահանության արդյունքները (ֆոտո)

12:28   31 մայիսի, 2019

Երեւանում տեղի ունեցավ հուլիսի 14-27-ը Հայաստանում անցկացվելիք ֆուտբոլի Եվրոպայի մինչեւ 19 տարեկանների առաջնության եզրափակիչ փուլի վիճակահանությունը, փոխանցում է NEWS.am Sport-ի թղթակիցը:

Հայաստանի Մ-19 հավաքականը տեղ գտավ A խմբում, որտեղ կխաղա Պորտուգալիայի, Իտալիայի եւ Իսպանիայի հավաքականների հետ: B խմբում հանդես կգան Ֆրանսիայի, Չեխիայի, Նորվեգիայի եւ Իռլանդիայի թիմերը:

Վիճակահանության արարողությանը մասնակցեցին Լոնդոնի «Արսենալի» ու Հայաստանի հավաքականի կիսապաշտպան Հենրիխ Մխիթարյանը եւ ղազախական «Ակտոբեի» կիսապաշտպան Մարկոս Պիզելին:

Հիշեցնենք, որ Եվրոպայի առաջնության խաղերն անցկացվելու են Երեւանի «Հանրապետական» ստադիոնում, Ավանի ֆուտբոլային ակադեմիայում եւ «Բանանց» մարզադաշտում:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։