Պեդրոյի յուրահատուկ ռեկորդը եվրագավաթներում

10:35   30 մայիսի, 2019

Լոնդոնի «Չելսիի» իսպանացի կիսապաշտպան Պեդրո Ռոդրիգեսը, գոլի հեղինակ դառնալով «Արսենալի» դեմ Եվրոպայի լիգայի եզրափակիչի խաղում, սահմանել է ռեկորդ:

31-ամյա իսպանացին առաջին ֆուտբոլիստն է, որը գոլ է խփում Չեմպիոնների լիգայի ու Եվրոպայի լիգայի եզրափակիչներում եւ Եվրոպայի Սուպերգավաթի խաղում, հաղորդում է Gracenote-ն:

Չեմպիոնների լիգայի եզրափակիչում ու Եվրոպայի Սուպերգավաթում Պեդրոն գոլի հեղինակ էր դարձել կատալոնական «Բարսելոնայի» կազմում:

Հիշեցնենք, որ Բաքվում կայացած եզրափակիչում «Չելսին» հաղթել էր 4:1 հաշվով եւ երկրորդ անգամ դարձել Եվրոպայի լիգայի գավաթակիր:

Հայաստանի հավաքականի կիսապաշտպան Հենրիխ Մխիթարյանն «Արսենալի» հետ չէր մեկնել Ադրբեջանի մայրաքաղաք։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։