#Corner. Մխիթարյանի ֆանատները՝ Բաքվի ոստիկանների թիրախում, МАТЧ ТВ-ի թիմի արկածները Երեւանում
09:09 29 մայիսի, 2019NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 34-րդ թողարկումը։
Լիխտենշտեյնի (հունիսի 8) եւ Հունաստանի (հունիսի 11) թիմերի դեմ Եվրո-2020-ի ընտրական հանդիպումներին պատրաստվելու համար Հայաստանի ազգային հավաքականի գլխավոր մարզիչ Արմեն Գյուլբուդաղյանցը հրավիրել է օտարերկրյա ակումբներում հանդես եկող 11 ֆուտբոլիստների։ Ինչո՞ւ ցուցակում չէ Անդրե Կալիսիրը եւ ո՞ւր է կորել Գաել Անդոնյանը։ #Corner-ը կպարզաբանի։
Հարցազրույց պորտուգալական «Շավիշից» հեռացած Գեւորգ Ղազարյանի հետ։ Հայաստանի հավաքականի կիսապաշտպանը ներկա էր Հայաստանի առաջնության «Ալաշկերտ» - «Բանանց» խաղին։
Հայաստանը երրորդ տարին անընդմեջ ընդունեց լրագրողների ֆուտբոլային մրցաշարը։ Այս տարի մասնակցում էր նաեւ ռուսական «МАТЧ ТВ»-ի թիմը։
#Corner-ի զվարճալի հարցազրույցները մեկնաբաններ Կոնստանտին Գենիչի եւ Ռոման Գուտցայտի հետ։
Մայիսի 30-ին հայտնի կդառնա Հայաստանի նոր չեմպիոնը։ #Corner-ը՝ Հայաստանի Բարձրագույն խմբի խաղերին հայտնի իսպանացի մրցավարների հրավիրելու պրակտիկայի մասին։
Նոր մրցաշրջանում Հայաստանի Առաջին լիգայի առաջնությանը կմասնակցեն նորաստեղծ «Տորպեդոն» ու «Վանը», որոնք ներկայացրել են լոգոները։
Արմավիրի ֆուտբոլային ակադեմիային հավակնում է ֆրանսիական ASK ընկերությունը, ՀՖՖ նախագահ Արթուր Վանեցյանը դարձյալ բարձրացրել է Ազգային ստադիոնի կառուցման հարցը։ Նախագծում ներդրում անելու ցանկություն ունի չինական ընկերություն։
Բաքվում ոստիկանները հատուկ ուշադրություն են դարձնում Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանի խաղաշապիկով զբոսնող ֆուտբոլասերներին։
ՈւԵՖԱ-ն արգելել է Եվրոպայի լիգայի եզրափակիչ խաղից առաջ «Արսենալի» ֆուտբոլիստներին որեւէ ակցիա իրականացնել Մխիթարյանին աջակցություն հայտնելու նպատակով։
Վերջում էլ ավանդական զվարճալի տեսաշար տարբեր երկրներից։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.