Բեռլինի «Ունիոնը» պատմության մեջ առաջին անգամ կխաղա ֆուտբոլի Գերմանիայի առաջնությունում:
Բունդեսլիգայի ուղեգրի համար անցումային փուլի պատասխան խաղում «Ունիոնը» տանը գոլազուրկ ոչ ոքի է խաղացել «Շտուտգարտի» հետ: Շտուտգարտում անցկացված առաջին խաղում գրանցվել էր 2:2 հաշիվը: «Ունիոնը» դիմակայությունում հաղթեց մրցակցի դաշտում խփած գոլերի շնորհիվ:
«Ունիոնի» երկրպագուները պատմական նվաճումը խաղադաշտում նշել են ֆուտբոլիստների հետ:
Գերմանական երկրորդ Բունդեսլիգայի այս մրցաշրջանում «Ունիոնը» գրավել էր երրորդ տեղը:
Այս մրցաշրջանում Բունդեսլիգայի ուղեգիր էին նվաճել նաեւ «Քյոլնը» եւ «Պադերբորնը», իսկ Գերմանիայի ուժեղագույնների լիգայից դուրս էին մնացել «Հանովերը» եւ «Նյուրնբերգը»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։