«Ռոլան Գարոս»․ Սերենա Ուիլյամսի հաղթական մեկնարկը

22:42   27 մայիսի, 2019

«Մեծ սաղավարտի» մրցաշարերի 23-ակի տիտղոսակիր Սերենա Ուիլյամսը հաղթանակով մեկնարկեց թենիսի Ֆրանսիայի բաց առաջնությունում։ Ամերիկացի մարզուհին մրցեց ռուսաստանցի Վիտալյա Դյաչենկոյի հետ եւ առավելության հասավ 1 ժամ 32 րոպեում։ Գրանցվեց 2։6, 6։1, 6։0 հաշիվ։

Սերենա Ուիլյամսի հաջորդ մրցակիցը կլինի ճապոնացի Կուրումի Նարայի եւ սլովենացի Դալիլա Յակուպովիչի դիմակայության հաղթողը։

Կանանց մրցաշարի գործող հաղթողը ռումինացի Սիմոնա Հալեպն է, որն անցած տարվա եզրափակիչում պարտության էր մատնել ամերիկացի Սլոան Սթիվենսին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։