Իշխան Գելոյանը՝ ռուսական Պրեմյեր լիգա տեղափոխվելու եւ Հայաստանի հավաքականի մասին

20:40   27 մայիսի, 2019

Հույս ունեմ, որ ամեն ինչ լավ կստացվի Պրեմյեր լիգայում, ասել է Յարոսլավլի «Շիննիկից» «Տամբով» տեղափոխված կիսապաշտպան Իշխան Գելոյանը NEWS.am Sport-ի թղթակցի հետ զրույցում։

«Այո, պատրաստվում եմ կարիերաս շարունակել ռուսական Պրեմյեր լիգայում։ Հույս ունեմ, որ ամեն ինչ լավ կդասավորվի։

Ինչ վերաբերում է Հայաստանի ազգային հավաքականին, ապա հրավեր ստանալուց հետո կմտածեմ այդ ուղղությամբ»,- նշել է 26-ամյա ֆուտբոլիստը։

Գելոյանը «Շիննիկում» հանդես էր գալիս 2018 թվականից։ Ռուսաստանի Առաջին դիվիզիոնում նա «Շիննիկի» հետ մասնակցել է 30 հանդիպման, խփել 7 գոլ։

Նախկինում նա հանդես է եկել նաեւ «Բալտիկայում», «Ենիսեյում», «Նեֆտեմխիմիկում» եւ «Լուչում»։

Հիշեցնենք, որ Ռուսաստանի Պրեմյեր լիգայի ուղեգիր նվաճած «Տամբովի» գլխավոր մարզիչն է Ալեքսանդր Գրիգորյանը։

Սամվել Սուքիասյան



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։