Երեւանում երրորդ տարին անընդմեջ անցկացվեց լրագրողների ֆուտբոլային մրցաշար, մասնակցեց նաեւ «Матч ТВ»-ի թիմը (ֆոտո)
16:47 27 մայիսի, 2019Երեւանում երրորդ տարին անընդմեջ անցկացվեց լրագրողների միջազգային ֆուտբոլային մրցաշար:
Երեւանի «Փյունիկի» մարզադպրոցում տեղի ունեցած մրցաշարին մասնակցեցին լրագրողական 6 թիմեր: Հանդես եկան Ռուսաստանի (2 թիմ՝ Մոսկվա եւ Բրյանսկ), Լիտվիայի եւ Վրաստանի թիմերը, իսկ Հայաստանը ներկայացնում էին լրագրողների հավաքականն ու Գյումրիի լրագրողների թիմը:
Երեւանյան մրցաշարին առաջին անգամ մասնակցեց «Матч ТВ»-ի թիմը, որի կազմում հանդես են գալիս հայտնի մարզական հեռուստամեկնաբաններ՝ մեր հայրենակից Նոբել Առուստամյանի գլխավորությամբ։
Լրագրողների Հայաստանի հավաքականը 5 խաղում տարավ 3 հաղթանակ, կրեց 2 պարտություն եւ 9 միավորով գրավեց երրորդ տեղը: 100 տոկոսանոց ցուցանիշով մրցաշարի հաղթող դարձավ Բրյանսկի թիմը, իսկ Լիտվիայի լրագրողները 12 միավորով զբաղեցրին երկրորդ տեղը:
Երկրորդ խաղի վերջնամասում լրագրողների Հայաստանի հավաքականի առաջատարներից Վլադիմիր Հովհաննիսյանը ստացավ ծանր վնասվածք, ինչից հետո հայ լրագրողները չկարողացավ հոգեբանորեն վերականգնվել եւ կրեցին 2 պարտություն:
Հանդիպումները մեկ օրում անցկացվեցին ֆուտբոլային դաշտի մեկ քառորդի հատվածում՝ զուգահեռաբար 3 խաղադաշտում։ Բոլորը թիմերը մրցեցին իրար հետ: Հանդիպման տեւողությունը 20 րոպե էր՝ յուրաքանչյուր խաղից հետո 10 րոպե ընդմիջումով:
Միջոցառման հովանավորներն էին Gold's Gym մարզասրահների ցանցը եւ «Աջարաբեթ» ընկերությունը, կազմակերպիչն է Հայկական օնլայն լրատվամիջոցների եւ լրագրողների ասոցիացիան:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.