Դե Ռոսին հրաժեշտ է տվել «Ռոմային»

11:45   27 մայիսի, 2019

«Ռոմայի» ավագ Դանիելե Դե Ռոսին մայիսի 26-ին վերջին հանդիպումն անցկացրեց իտալական ակումբի կազմում: Դա տեղի ունեցավ «Պարմայի» դեմ Իտալիայի առաջնության վերջին տուրի խաղում (2:1), որն անցկացվեց Հռոմի «Օլիմպիկո» ստադիոնում: 35-ամյա իտալացի կիսապաշտպանը մեկնարկային կազմում հանդես եկավ 82 րոպե եւ փոխարինվեց ծափահարությունների ներքո:

«Ռոմայի» ֆուտբոլիստներին ու երկրպագուներին հրաժեշտ տալիս Դե Ռոսին չզսպեց արցունքները:

Հիշեցնենք, որ Դե Ռոսին ամբողջ կարիերան անցկացրել է «Ռոմայում», որի կազմում նորամուտը նշել է 2002-ին: Այս ընթացքում նա 2 անգամ դարձել է Իտալիայի սուպերգավաթակիր եւ մեկ անգամ նվաճել երկրի գավաթը: 2006-ին Դե Ռոսին Իտալիայի հավաքականի կազմում դարձել է աշխարհի չեմպիոն:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։