Արթուր Ալեքսանյանի հաղթական վերադարձը

19:24   26 մայիսի, 2019

Օլիմպիական խաղերի, աշխարհի ու Եվրոպայի չեմպիոն Արթուր Ալեքսանյանը դարձել է Ղազախստանի Ալմաթի քաղաքում անցկացված Բոլատ Տուրլիխանովի գավաթի խաղարկության հաղթող։

97 կգ քաշային կարգում գյումրեցի ըմբիշը նախօրեին տարել էր չորս հաղթանակ եւ դուրս եկել եզրափակիչ, որտեղ մայիսի 26-ին հաղթել է ռուս Ալեքսանդր Գոլովինին: Նույն քաշային կարգում բրոնզե մեդալակիր են դարձել Ռուսաստանը ներկայացնող Դանիլա Սոտնիկովը եւ Նիկիտա Մելնիկովը:

Հունահռոմեական ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանի գլխավորությամբ հանդես են եկել նաեւ 60 կգ քաշայիններ Գեւորգ Ղարիբյանը, Արմեն Մելիքյանը եւ 87 կգ քաշայիններ Մաքսիմ Մանուկյանը, Արթուր Շահինյանը, որոնք մեդալ չեն նվաճել:

Մրցաշարին մասնակցել են նաեւ Ղազախստանի, Ռուսաստանի, Բելառուսի, Մոլդովայի, Ուկրաինայի, Վրաստանի, Ուզբեկստանի, Ղրղզստանի, Տաջիկստանի, Մոնղոլիայի, Իրանի եւ Բուլղարիայի ըմբիշները։

Հիշեցնենք, որ սա Արթուր Ալեքսանյանի առաջին մրցաշարն էր վնասվածքից ապաքինվելուց հետո: Նա ըմբշամարտի մրցագորգից բացակայում էր 2018-ի նոյեմբերին Հունգարիայի մայրաքաղաք Բուդապեշտում անցկացված աշխարհի առաջնությունից հետո:  



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։