Էռնեստո Վալվերդե. 15 օր առաջ մտածում էինք տրեբլի մասին

12:58   26 մայիսի, 2019

«Բարսելոնայի» գլխավոր մարզիչ Էռնեստո Վալվերդեն մեկնաբանել է Իսպանիայի գավաթի խաղարկության եզրափակիչում «Վալենսիայից» կրած պարտությունը 1:2 հաշվով:

«Վալենսիան» հրաշալի է հակագրոհում: Նրանք շատ արդյունավետ գործեցին: Մեկ ամիս առաջ մենք տոնում էինք չեմպիոնությունն ու տրեբլ գրանցելու հնարավորությունը: Մեր սպասելիքները շատ մեծ էին, եւ դա չստացվեց մեզ մոտ: 15 օր առաջ մտածում էինք, որ կարող ենք տրեբլ գրանցել, բայց վճռորոշ պահի ձախողվեցինք:  

Նորմալ եմ զգում ինձ: Իհարկե, երբ հաղթում ես, ավելի երջանիկ ես զգում քեզ: Խաղացողները պայքարեցին դաշտում: Մենք պարտվեցինք, քանի որ պարտվեցինք: Դա հոգեբանական խնդրի կամ ճնշման պատճառով չէր»,- մարզիչի խոսքը մեջբերում է El Chiringuito TV-ն:

Հիշեցնենք, որ «Վալենսիան» 11 տարվա ընդմիջումից հետո դարձյալ նվաճել էր Իսպանիայի գավաթը (8-րդ անգամ):



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։