Բասկետբոլի ազգային ասոցիացիայի (NBA) եզրափակիչի երկրորդ մասնակիցը դարձավ կանադական «Տորոնտոն», որը պայքարից դուրս թողեց «Միլուոկիին»:
Կիսաեզրափակիչի 6-րդ խաղում «Տորոնտոն» առավելության հասավ 100:94 հաշվով: Հանդիպման ամենաարդյունավետ բասկետբոլիստ է ճանաչվել «Տորոտոյի» խաղացող Կավայ Լեոնարդը, որը հավաքել է 27 միավոր:
Խաղային օրվանից հետո NBA-ի պաշտոնական ալիքը ներկայացրել է լավագույն դրվագների հնգյակը:
«Տորոնտոն» առաջին անգամ է նվաճում NBA-ի եզրափակիչի ուղեգիր: Պատմության մեջ առաջին անգամ NBA-ի եզրափակիչի հանդիպում կանցկացվի ԱՄՆ-ի տարածքից դուրս («Տորոնտոն» տնային խաղերն անցկացնում է Կանադայում):
Հիշեցնենք, որ ավելի վաղ եզրափակիչի ուղեգիր էր նվաճել գործող չեմպիոն «Գոլդեն Սթեյտը», որը «Պորտլենդի» դեմ շարքում հաղթել էր 4:0 հաշվով:
NBA, կիսաեզրափակիչ
«Տորոնտո» - «Միլուոկի»՝ 100:94 (18:31, 25:19, 28:26, 29:18)
Շարիք հաշիվը՝ 4:2
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։