Ռոնալդուն 2009-ից հետո անցկացրեց իր վատագույն մրցաշրջանը
22:03 25 մայիսի, 2019Թուրինի «Յուվենտուսի» պորտուգալացի հարձակվող Կրիշտիանու Ռոնալդուն չի մասնակցի Իտալիայի առաջնության վերջին տուրի հանդիպմանը «Սամպդորիայի» հետ։ Իտալիայի չեմպիոնների գլխավոր մարզիչ Մասիմիլիանո Ալեգրին հայտնել է, որ 34-ամյա ֆուտբոլիստին տվել է հանգստի հնարավորություն, հայտնում է ակումբի մամուլի ծառայությունը։ Ռոնալդուն Պորտուգալիայի հավաքականի կազմում կպատրաստվի Ազգերի լիգայի եզրափակիչ մրցաշարին։
Ռոնալդուն Սերիա Ա-ի 31 խաղում խփեց 21 գոլ եւ ցույց տվեց վատագույն արդյունքը 2008-2009 թվականների մրցաշրջանից հետո։ Այն ժամանակ Ռոնալդուն «Մանչեսթեր Յունայթեդի» կազմում մասնակցել էր Անգլիայի առաջնության 33 հանդիպման, խփել 18 գոլ։
Ազգերի լիգայի կիսաեզրափակիչում Պորտուգալիայի հավաքականը հունիսի 5-ին Պորտուգալիայի Պորտու քաղաքում կխաղա Շվեյցարիայի հետ։ Եզրափակիչի մյուս ուղեգիրը կվիճարկեն Հոլանդիան ու Անգլիան։ Այդ խաղը տեղի կունենա հունիսի 6-ին Գիմարայեշում։ Եզրափակիչն ու երրորդ տեղի խաղը տեղի կանցկացվեն հունիսի 9-ին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։