Արթուր Ալեքսանյանը վնասվածքից ապաքինվելուց հետո առաջին մրցաշարում հասել է եզրափակիչ։ Հունահռոմեական ըմբշամարտի Հայաստանի թիմը օլիմպիական չեմպիոն Լեւոն Ջուլֆալակյանի գլխավորությամբ մասնակցում է Ղազախստանի Ալմաթի քաղաքում անցկացվող Բոլատ Տուրլիխանովի գավաթի խաղարկությանը։
97 կգ քաշային կարգում Արթուր Ալեքսանյանը տարել է չորս հաղթանակ եւ մայիսի 26-ին կայանալիք եզրափակիչում կպայքարի հաղթողի կոչման համար։
Օլիմպիական խաղերի, աշխարհի ու Եվրոպայի չեմպիոնը մրցագորգից բացակայում էր 2018թ․ նոյեմբերին Բուդապեշտում անցկացված աշխարհի առաջնությունից հետո:
Մրցաշարին մասնակցում են նաեւ Ղազախստանի, Ռուսաստանի, Բելառուսի, Մոլդովայի, Ուկրաինայի, Վրաստանի, Ուզբեկստանի, Ղրղզստանի, Տաջիկստանի, Մոնղոլիայի, Իրանի եւ Բուլղարիայի ըմբիշները։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։