ՈւԵՖԱ նախագահ․ Եթե տեղի տանք Մխիթարյանի հետ կապված իրավիճակում, ապագայում ոչինչ չենք կարողանա կազմակերպել

14:11   25 մայիսի, 2019

ՈւԵՖԱ-ի սլովենացի նախագահ Ալեքսանդր Չեֆերինը մեկնաբանել է Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանի շուրջ ստեղծված իրավիճակը։

«Արսենալը» ֆուտբոլիստի եւ նրա ընտանիքի հետ խորհրդակցելուց հետո որոշել էր չհայտավորել Մխիթարյանին Լոնդոնի «Չելսիի» դեմ Եվրոպայի լիգայի եզրափակիչին, որը տեղի կունենա մայիսի 29-ին Բաքվում։

«Մխիթարյանի որոշումն է չմեկնել Բաքու։ Եթե մենք տեղի տանք այս իրավիճակում, ապա ոչինչ չենք կարողանա կազմակերպել ապագայում»,- Չեֆերինի խոսքը մեջբերում է գերմանական Spiegel-ը։

Եվրոպայի լիգայի ավարտվող մրցաշրջանում Մխիթարյանը մասնակցել է 11 հանդիպման, կատարել երեք գոլային փոխանցում։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։