Քոնոր Մաքգրեգորը վնասվածք է ստացել (ֆոտո)

Խառը մենամարտերի UFC-ի երկու քաշային կարգերի նախկին չեմպիոն Քոնոր Մաքգրեգորը ձախ ձեռքի վնասվածք է ստացել։

«Ինտենսիվ մարզումների եւ սպարինգ մենամարտերի գործընթացում միշտ գնում եմ մինչեւ վերջ։ Կբուժեմ վնասվածքս եւ դարձյալ կգնամ առաջ։ Ոչինչ ինձ չի խանգարի»,- գրել է 30-ամյա մարզիկն Ինստագրամում։

Հիշեցնենք, որ Քոնոր Մաքգրեգորը նախորդ մենամարտն անցկացրել էր 2018թ. հոկտեմբերին, երբ UFC 229 մրցաշարում նոկաուտով պարտվել էր ռուսաստանցի Խաբիբ Նուրմագոմեդովին: Այդ մենամարտից հետո տեղի ունեցած բախման պատճառով նա որակազրկվել էր կես տարով:

2017-ին Մաքգրեգորը նաեւ պրոֆեսիոնալ բռնցքամարտի կանոններով մենամարտ էր անցկացրել պրոֆեսիոնալ բռնցքամարտի հինգ քաշային կարգերում աշխարհի 12-ակի չեմպիոն Ֆլոյդ Մեյվեզեր կրտսերի հետ եւ պարտվել տեխնիկական նոկաուտով։

2019թ․ մարտին Մաքգրեգորը հայտարարեց, որ հեռանում է MMA-ից։

View this post on Instagram

A post shared by Conor McGregor Official (@thenotoriousmma) on May 24, 2019 at 8:32am PDT