Թաեքվոնդոյի ֆեդերացիայի նախագահի ընտրությունները վիճարկող կողմին լսել է Հայաստանի սպորտի նախարարի առաջին տեղակալ Գաբրիել Ղազարյանը: Բողոքի ակցիա իրականացնողները ԵԿՄ շենքից շարժվել էին կառավարության շենք։
«Ես քիչ առաջ տեղեկացա, այս իրավիճակի մասին, որ կայացել է ֆեդերացիայի նախագահի ընտրություն: Մենք դեռ որեւէ գրություն չենք ստացել, որեէ արձանագրություն կայացած ընտրությունների մասին չկա: Երբ ստանանք ու նաեւ լինի բողոքարկող կողմ, ընտրությունը կվերանայվի օրենքի ուժով: Հայտարարում եմ, որ կայացել է ծածուկ ընտրություններ, օրինականությունից դուրս: Ես կդիմեմ Արդարադատության նախարարին, որպեսզի ուսումնասիրի հարցը եւ անվավեր ճանաչի այդ ըտրության արդյունքները»,- ասաց Գաբրիել Ղազարյանը:
Հիշեցնենք, որ համագումարի ընթացքում ՀԹՖ նախագահ ընտրվեց Դավիթ Պողոսյանը, Վարդան Ղահրամանյանը ֆեդերացիայի փոխնախագահ, իսկ Գեւորգ Դանիելյանը, որը նախկինում հավաքականի գլխավոր մարզիչն էր, գլխավոր քարտուղար: ՀԹՖ խորհրդի անդամ Արսեն Ավետիսյանի խոսքով, ընտրությունն անցկացվել է գաղտնի եւ պատշաճ չի ծանուցվել:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։