CNN-ը «Չելսիին» ու «Արսենալին» խորհուրդ է տվել բոյկոտել Եվրոպայի լիգայի եզրափակիչը (ֆոտո)
21:40 23 մայիսի, 2019Միջազգային մամուլը շարունակում է անդրադառնալ Լոնդոնի «Արսենալի» եւ «Չելսիի» միջեւ Բաքվում կայանալիք ֆուտբոլի Եվրոպայի լիգայի եզրափակիչին:
Ամերիկյան CNN ալիքն անգլիական ակումբներին խորհուրդ է եվել բոյկոտել Եվրոպայի լիգայի եզրափակիչը, որպեսզի ՈւԵՖԱ-ն ստիպված լինի հանդիպումն անցկացնել այլ վայրում:
Բրիտանական Daily Mail-ը, անդրադառնալով Հայաստանի հավաքականի ավագ Հենրիխ Մխիթարյանի՝ ֆուտբոլի Եվրոպայի լիգայի եզրափակիչին չմեկնելու որոշմանն ու այն տեղեկությանը, որ «Չելսին» ու «Արսենալը» մտադիր են Եվրոպայի լիգայի եզրափակիչի 6000 տոմս վերադարձնել ՈւԵՖԱ-ին, սոցցանցերում կատարել է հետեւյալ գրառումը. «Իսկ ո՞վ է լինելու եզրափակիչում»:
Հիշեցնենք, որ ավելի վաղ «Արսենալն» ՈւԵՖԱ-ին քննադատել էր Եվրոպայի լիգայի եզրափակիչն Ադրբեջանի մայրաքաղաք Բաքվում անցկացնելու համար:
«Արսենալի» ու Հայաստանի հավաքականի կիսապաշտպան Հենրիխ Մխիթարյանը չի մեկնելու մայիսի 29-ին կայանալիք եզրափակիչին:
Ավելի վաղ ՈւԵՖԱ-ն եւ Ադրբեջանի իշխանությունը «Արսենալին» եւ Մխիթարյանին տվել էին անվտանգության երաշխիքներ, սակայն լոնդոնյան ակումբը մայիսի 21-ին հայտարարեց, որ հայ կիսապաշտպանի եւ նրա ընտանիքի հետ քննարկումների արդյունքում որոշել են ֆուտբոլիստին չտանել Բաքու։
Նախկինում Մխիթարյանը բաց է թողել երկու արտագնա եվրագավաթային հանդիպումներ արդբեջանական ակումբների հետ։ 2017-ին Հենրիխ Մխիթարյանը Եվրոպայի լիգայի գավաթակիր դարձել է անգլիական «Մանչեսթեր Յունայթեդի» կազմում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.