«Բարսելոնան» 3 տարվա պայմանագիր կնքեց 18-ամյա կիսապաշտպանի հետ
16:01 23 մայիսի, 2019«Բարսելոնան» հայտարարեց հոլանդական «Գրոնինգենի» կիսապաշտպան Լյուդովիտ Ռեյսին (հունիսի 1-ին կդառնա 19 տարեկան) ձեռք բերելու մասին։ Կատալոնական ակումբը հոլանդացի ֆուտբոլիստի հետ կնքել է երեք տարվա պայմանագիր, եւս երկու տարով երկարաձգելու հնարավորությամբ։ Տրանսֆերի գումարը կազմել է 3,25 միլիոն եվրո, հաղորդում է «Բարսելոնայի» պաշտոնական կայքը։
Պայմանագրում նրա տրանսֆերային գինը սահմանվել է 100 միլիոն եվրո։ Սպասվում է, որ նա կարիերան Իսպանիայում կսկսի ակումբի երկրորդ թիմում։
Այս մրցաշրջանում Ռեյսը «Գրոնինգենի» կազմում մասնակցել է 33 հանդիպման, խփել 1 գոլ, կատարել 1 գոլային փոխանցում։ Նա 7 հանդիպում է անցկացրել Հոլանդիայի մինչեւ 19 տարեկանների հավաքականում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.