Լոնդոնի «Արսենալի» թուրքական արմատներով գերմանացի կիսապաշտպան Մեսուս Օզիլը «Չելսիի» դեմ ֆուտբոլի Եվրոպայի լիգայի եզրափակիչի հանդիպումից առաջ դիմել է ադրբեջանցի երկրպագուներին:
«7 օր մինչեւ անկրկնելի եզրափակիչը Բաքվում»,- թվիթերյան էջում գրել է Օզիլը:
«Իմ ադրբեջանցի եղբայրներ, մենք արեցինք դա, մենք եզրափակիչում ենq: Մինչ նոր հանդիպում Բաքվում»,- ադրբեջաներեն գրել է Գերմանիայի հավաքականի նախկին ֆուտբոլիստը:
Հիշեցնենք, որ «Արսենալի» ու Հայաստանի հավաքականի կիսապաշտպան Հենրիխ Մխիթարյանը չի մեկնելու մայիսի 29-ին Ադրբեջանի մայրաքաղաք Բաքվում կայանալիք եզրափակիչին:
Ավելի վաղ ՈւԵՖԱ-ն եւ Ադրբեջանի իշխանությունը «Արսենալին» եւ Մխիթարյանին տվել էին անվտանգության երաշխիքներ, սակայն լոնդոնյան ակումբը մայիսի 21-ին հայտարարեց, որ հայ կիսապաշտպանի եւ նրա ընտանիքի հետ քննարկումների արդյունքում որոշել են ֆուտբոլիստին չտանել Բաքու։
Նախկինում Մխիթարյանը բաց է թողել երկու արտագնա եվրագավաթային հանդիպումներ արդբեջանական ակումբների հետ։ 2017-ին Հենրիխ Մխիթարյանը Եվրոպայի լիգայի գավաթակիր դարձել է անգլիական «Մանչեսթեր Յունայթեդի» կազմում:
7 days to go until our big final in Baku! // Azərbaycanlı qardaşlarım! Biz bunu etdik- finaldayıq! Bakıda görüşənədək. #RoadToBaku #UELFinal #M1Ö #YaGunnersYa #WeAreTheArsenal @Arsenal pic.twitter.com/Hr3evSzweU
— Mesut Özil (@MesutOzil1088) May 22, 2019
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։