Աշխարհի երկրորդ ռակետ Ռաֆայել Նադալը պաշտպանեց Հռոմի «Մասթերս» մրցաշարի հաղթողի կոչումը:
Եզրափակիչում իսպանացի թենիսիստը մրցեց աշխարհի առաջին ռակետ, սերբ Նովակ Ջոկովիչի հետ եւ հաղթեց 3 սեթում՝ 6:0, 4:6, 6:1: Մրցախաղը տեւեց 2 ժամ 29 րոպե:
Առաջին սեթում Նադալը հաղթեց 6:0 հաշվով: Նադալի ու Ջոկովիչի դիմակայությունում առաջին անգամ թենիսիստներից մեկը չկարողացավ գոնե մեկ գեյմ հաղթել սեթում: Սա նրանց 54-րդ հանդիպումն էր:
Սա 32-ամյա Նադալի 34-րդ տիտղոսն էր «Մասթերս» շարքի մրցաշարերում:
Հիշեցնենք, որ նախորդ տարի Նադալն այս մրցաշարի եզրափակիչում հաղթել էր Գերմանիայի ներկայացուցիչ Ալեքսանդր Զվերեւին։
Հետևեք NEWS.am SPORT-ին Facebook-ում, Twitter և Telegram-ում