«Մանչեսթեր Սիթիի» գլխավոր մարզիչ Խոսեպ Գվարդիոլան, դառնալով ֆուտբոլլի Անգլիայի գավաթակիր, սահմանել է բացառիկ ռեկորդ:
48-ամյա Գվարդիոլան Պրեմյեր լիգայի պատմության առաջին մարզիչն է, որը Անգլիայում 4 տիտղոս է նվաճում մեկ մրցաշրջանում, գրում է MisterChip-ը:
Այս մրցաշրջանում «Մանչեսթեր Սիթին» նվաճել էր նաեւ Անգլիայի չեմպիոնի տիտղոսը եւ Անգլիական լիգայի գավաթը, ինչպես նաեւ դարձել երկրի սուպերգավաթակիր:
Գվարդիոլան պատմության 8-րդ մարզիչն է, որն Անգլիայում նվաճում է բոլոր հնարավոր տիտղոսները: Նախկինում դա հաջողվել էր Բիլի Նիկոլսոնին, Դոնի Ռեւիին, Ջո Մերսերին, Քենի Դալգլիշին, Ջորջ Գրեմին, Ալեքս Ֆերգյուսոնին եւ Ժոզե Մոուրինյոյին, սակայն նրանցից ոչ ոք չէր կարողացել դա անել մեկ մրցաշրջանի ընթացքում:
Հիշեցնենք, որ Լոնդոնի «Ուեմբլի» ստադիոնում տեղի ունեցած եզրափակիչում «Մանչեսթեր Սիթին» 6:0 հաշվով հաղթեց «Ուոթֆորդին» եւ 6-րդ անգամ նվաճեց Անգլիայի գավաթը։
Entrenadores que ganaron First Division/Premier League, FA Cup, League Cup y Charity/Community Shield:
— MisterChip (Alexis) (@2010MisterChip) May 18, 2019
Bill Nicholson
Don Revie
Joe Mercer
Kenny Dalglish
George Graham
Alex Ferguson
Jose Mourinho
PEP GUARDIOLA*
[*] Único que ganó todos esos títulos en una misma temporada. pic.twitter.com/3oy3CxKrEa
Հետևեք NEWS.am SPORT-ին Facebook-ում, Twitter և Telegram-ում