12:47  +04,  17 մայիսի, 2019

Անգլիայի հավաքականի 19-ամյա խաղացողը մերժել է «Մանչեսթեր Յունայթեդի» առաջարկը

Դորտմունդի «Բորուսիայի» եւ Անգլիայի հավաքականի կիսապաշտպան Ջեյդոն Սանչոն այս ամռանը չի տեղափոխվի «Մանչեսթեր Յունայթեդ»։ 19-ամյա ֆուտբոլիստը մերժել է անգլիական թիմի առաջարկը, քանի որ «Մանչեսթեր Յունայթեդը» հաջորդ մրցաշրջանում հանդես չի գալու Չեմպիոնների լիգայում, հաղորդում է The Independent-ը։

Ջեյդոն Սանչոյի նկատմամբ հետաքրքրություն են դրսեւորում նաեւ կատալոնական «Բարսելոնան», Մադրիդի «Ռեալը» եւ Փարիզի ՊՍԺ-ն։

«Բորուսիան» մտադիր է Սանչոյի տրանսֆերից ստանալ առնվազն 100 միլիոն եվրո։ Անգլիացի ֆուտբոլիստը 2017-ին է տեղափոխվել Դորտմունդ «Մանչեսթեր Սիթիից»։

Գերմանիայի ընթացիկ առաջնության 33 խաղում նա խփել է 11 գոլ, կատարել 14 գոլային փոխանցում։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: