14:14  +04,  17 մայիսի, 2019

Մեսին չի միացել «Ազատություն քաղբանտարկյալներին» վանկարմանը Սան Ժորդիի խաչը ստանալիս

Կատալոնիայի բարձրագույն պարգեւներից Սան Ժորդիի խաչը ստանալիս, պարգեւատրության արարողության ժամանակ «Բարսելոնայի» արգենտինացի հարձակվող Լիոնել Մեսին խուսափել է միանալ վանկարկումներին՝ «Ազատություն քաղբանտարկյալներին»։

Կատալոնական եւ իսպանական լրատվամիջոցները աննկատ չեն թողել այդ դրվագը, որի ժամանակ ֆուտբոլիստը նաեւ չի ծափահարել։

Մեսին «Բարսելոնայի» պատմության մեջ դարձավ երկրորդ խաղացողը, որն արժանացավ նման պատվի։ Առաջինը եղել է թիմի նախկին խաղացող եւ մարզիչ, հոլանդացի Յոհան Կրոյֆը։

Ընթացիկ մրցաշրջանում Մեսին 48 խաղում խփել է նույնքան գոլ, կատարել 22 գոլային փոխանցում։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: