«Բարսելոնայի» արգենտինացի հարձակվող Լիոնել Մեսին ստացել է Կատալոնիայի բարձրագույն պարգեւներից մեկը՝ Սան Ժորդիի խաչը, հայտնում է կատալոնական ակումբի մամուլի ծառայությունը։
Մեսին «Բարսելոնայի» պատմության մեջ դարձավ երկրորդ ֆուտբոլիստը, որն արժանացավ նման պատվի։ Առաջինը եղել է թիմի նախկին խաղացող եւ մարզիչ, հոլանդացի Յոհան Կրոյֆը։
«Հպարտ եմ այս ճանաչման համար եւ շատ բարձր եմ գնահատում այն նշանակությունը, որն ունի այս պարգեւը կատալոնական հասարակությունում»,- գրել է Մեսին Ինստագրամում՝ հրապարակելով լուսանկար պարգեւատրությունից։
Ընթացիկ մրցաշրջանում Մեսին 48 խաղում խփել է նույնքան գոլ, կատարել 22 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում