17:51  ,  15 մայիսի, 2019

Մոուրինյո. Հիմա մարդիկ հասկանում են՝ ինչու էր «Մանչեսթեր Յունայթեդի» հետ երկրորդ տեղը իմ ամենամեծ նվաճումը

«Մանչեսթեր Յունայթեդի» նախկին գլխավոր մարզիչ, պորտուգալացի Ժոզե Մոուրինյոն ակնարկել է, որ անգլիական թիմի այս կազմի հետ ինքը հասել է հնարավոր առավելագույն արդյունքի։ 2017–2018թթ. Մրցաշրջանում «Մանչեսթեր Յունայթեդը» Մոուրինյոյի հետ դարձավ Անգլիայի փոխչեմպիոն։

«9 կամ 10 ամիս առաջ ես ասում էի, որ 8 չեմպիոնական տիտղոսներիցս հետո երկրորդ տեղ գրավել «Մանչեսթեր Յունայթեդի» հետ իմ ամենամեծ նվաճումն է։ Հիմա մարդիկ հասկանում են՝ ինչ նկատի ունեի»,– Մոուրինյոյի խոսքը մեջբերում է Goal.com-ը։

Այս տարի մանչեսթերյան ակումբը նորվեգացի Ուլե–Գունար Սուլշերի հետ առաջնությունն ավարտեց 6–րդ տեղում՝ չնվաճելով Չեմպիոնների լիգայի ուղեգիր։ Մոուրինյոն «Մանչեսթեր Յունայթեդից» հեռացվեց 2018թ. դեկտեմբերին։

Հետևեք NEWS.am SPORT-ին Facebook-ում, Twitter և Telegram-ում