Մադրիդի «Ռեալը», ֆուտբոլի Իսպանիայի առաջնության նախավերջին՝ 37-րդ տուրում 1:3 հաշվով պարտվելով «Ռեալ Սոսյեդադին», այս մրցաշրջանում 17-րդ պարտությունն է կրել բոլոր մրցաշարերում: 21-րդ դարում Արքայական ակումբն առաջին անգամ է գրանցում այդպիսի անհաջող ցուցանիշ, հաղորդում է Opta-ն:
Նախորդ անգամ «Ռեալը» մեկ մրցաշրջանում 17 պարտություն կրել էր 20 տարի առաջ՝ 1998/99 մրցաշրջանում:
Հիշեցնենք, որ «Ռեալ Սոսյեդադի» դեմ խաղում մադրիդցիներն իսպանացի 22-ամյա պաշտպան Խեսուս Վալյեխոյի հեռացման պատճառով 39-րդ րոպեից հանդես էին գալիս 10 խաղացողներով:
Հետևեք NEWS.am SPORT-ին Facebook-ում, Twitter և Telegram-ում