Introducing our 2018/19 Premier League Golden Boot winner...
— Arsenal FC (@Arsenal) May 12, 2019
@Aubameyang7 pic.twitter.com/OWNOqiWiRV
Ֆուտբոլի Անգլիայի առաջնության լավագույն ռմբարկուի մրցանակը կիսեցին 3 խաղացողներ:
«Լիվերպուլի» հարձակվողներ Սադիո Մանեն ու Մոհամեդ Սալահը եւ Լոնդոնի «Արսենալի» գաբոնցի հարձակվող Պյեր-Էմերիկ Օբամեյանգը խփեցին 22-ական գոլ եւ ռմբարկուների ցուցակում բաժանեցին 1-3-րդ տեղերը: Մայիսի 12-ին կայացած վերջին տուրում Օբամեյանգը եւ Մանեն դարձան դուբլի հեղինակ, իսկ Սալահին գոլ խփել չհաջողվեց:
22 գոլի համար Մանեից ու Օբամեյանգից պահանջվեց 36-ական հանդիպում, իսկ Սալահից՝ 38:
Ռմբարկուների ցուցակում չորրորդ տեղը գրավեց «Մանչեսթեր Սիթիի» արգենտինացի հարձակվող Սերխիո Ագուերոն, որը խփեց 21 գոլ: «Լեսթերի» անգլիացի հարձակվող Ջեյմի Վարդին 18 գոլով եզրափակեց լավագույն հնգյակը:
Հիշեցնենք, որ Անգլիայի չեմպիոնի կոչումը նվաճել էր «Մանչեսթեր Սիթին»:
Հետևեք NEWS.am SPORT-ին Facebook-ում, Twitter և Telegram-ում