Երեւանի Իրինա Ռոդնինայի անվան գեղասահքի մարզադպրոցն անվանափոխվել է «Երեւանի գեղասահքի եւ հոկեյի մարզադպրոց»: Նման որոշում է կայացվել Երեւանի ավագանու հերթական նիստում:
Առաջարկի հեղինակն է Երեւանի ավագանու «Լույս» խմբակցության քարտուղար Անի Խաչատրյանը: Նրա խոսքով, գեղասահքի եռակի օլիմպիական չեմպիոն, ռուս Իրինա Ռոդնինան փետրվարի 26-ին մասնակցել է Ադրբեջանի մայրաքաղաք Բաքվում տեղի ունեցած հակահայկական երթին:
Երեւանի ավագանին անվանափոխության որոշումն ընդունել է 52 կողմ, 0 դեմ եւ 5 ձեռնպահ ձայներով:
Հիշեցնենք, որ գեղասահքի մարզադպրոցը բացվել է 2015 թվականին:
Հետևեք NEWS.am SPORT-ին Facebook-ում, Twitter և Telegram-ում