Ռիո-2016 Օլիմպիական խաղերի հունահռոմեկան ըմբշամարտի փոխչեմպիոն Միհրան Հարությունյանը կմասնակցի մայիսի 17-ին Կրասնոդարում անցկացվելիք «Չեմպիոնների գավաթ» մրցաշարին: 30-ամյա մարզիկը պատմել է, որ պատրաստվում է Տոկիոյում անցկացվելիք 32-րդ ամառային Օլիմպիական խաղերին:
«Մայիսի 17-ին Կրասնոդարում ես կրկին կվերադառնամ մրցագորգ, որպեսզի սկսեմ իմ ճանապարհը դեպի Տոկիո-2020 եւ վերցնեմ այն, ինչը պատկանում է ինձ»,- Ինստագրամում գրել է Միհրան Հարությունյանը:
«Չեմպիոնների գավաթին» կմասնակցեն նաեւ ազատ ոճի ըմբշամարտի 2013թ. աշխարհի ու Եվրոպայի չեմպիոն Դավիթ Սաֆարյանը, հունահռոմեկան ըմբշամարտի աշխարհի ու Եվրոպայի գործող չեմպիոն, Ռուսաստանի ներկայացուցիչ Ստեփան Մարյանյանը եւ այլ հայտնի ըմբիշներ:
Հիշեցնենք, որ Միհրան Հարությունյանն ըմբշամարտի մրցագորգից բացակայում է 2016թ. Օլիմպիական խաղերից հետո: Ռիո-2016-ում նա հանդես էր եկել ուսի վնասվածքով, իսկ եզրափակիչում խայտառակ կողմնակալ մրցավարության պատճառով պարտվել սերբ Դավոր Շտեֆանեկին։
Դեկտեմբերի 14-ին Միհրան Հարությունյանը երկրորդ հաղթանակն էր տարել MMA-ում (խառը մենամարտեր): Ռուսաստանի Սամարա քաղաքում կայացած «Битва на Волге» մրցաշարում նա առաջին ռաունդի նախավերջին վայրկյանին տեխնիկական նոկաուտով հաղթել էր Բելառուսի ներկայացուցիչ Եվգենի Պերեպեչինին: Հարությունյանը MMA-ում նորամուտը նշել էր նախորդ տարվա մայիսին՝ Ռոստովում տեղի ունեցած մրցաշարում հաղթելով իրանցի Ալի Յուսեֆիին:
Ավելի վաղ հունահռոմեական ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանը, խոսելով Միհրան Հարությունյանին հավաքական չհրավիրելու պատճառների մասին, նշել էր, որ ցանկացած մարզիկ պարտավոր է հավաքականի հետ անցնել բոլոր ուսումնամարզական հավաքները, մրցաշարերը եւ ապացուցի, որ ինքը գործող մարզիկ է:
Հետևեք NEWS.am SPORT-ին Facebook-ում, Twitter և Telegram-ում
23:16 , 25 ապրիլի 
22:45 , 25 ապրիլի 
22:39 , 25 ապրիլի 
22:16 , 25 ապրիլի 
21:41 , 25 ապրիլի 
20:50 , 25 ապրիլի 
20:17 , 25 ապրիլի 
19:19 , 25 ապրիլի 
18:02 , 25 ապրիլի 
17:28 , 25 ապրիլի 
