Լոնդոնի «Արսենալի» հարձակվող Ալեքսանդր Լյակազեթը ՈւԵՖԱ-ի կայքում անցկացված քվեարկության արդյունքում ճանաչվել է Եվրոպայի լիգայի կիսաեզրափակիչի առաջին հանդիպումների լավագույն ֆուտբոլիստ:
Ֆրանսիացի ֆուտբոլիստն առաջ է անցել «Արսենալի» գաբոնցի հարձակվող Պյեր-Էմերիկ Օբամեյանգից, Ֆրանկֆուրտի «Այնտրախտի» գերմանացի դարպասապահ Կեւին Տրապից եւ «Չելսիի» անգլիացի կիսապաշտպան Ռուբեն Լոֆտուս-Չիկից։
Հիշեցնենք, որ Եվրոպայի լիգայի կիսաեզրափակիչի առաջին խաղում «Արսենալը» Լյակազեթի դուբլի շնորհիվ 3:1 հաշվով տնային հաղթանակ էր տարել իսպանական «Վալենսիայի» նկատմամբ։ Հայաստանի հավաքականի կիսապաշտպան Հենրիխ Մխիթարյանն «Արսենալի» կազմում փոխարինման էր դուրս եկել 75-րդ րոպեին: Պատասխան հանդիպումը տեղի կունենան մայիսի 9-ին Իսպանիայում:
Arsenal star Alexandre Lacazette = Player of the Week! #UEL | #POTW | @hankookreifen pic.twitter.com/B23eGZMXAd
— UEFA Europa League (@EuropaLeague) May 3, 2019
Հետևեք NEWS.am SPORT-ին Facebook-ում, Twitter և Telegram-ում