«Մանչեսթեր Սիթիի» գլխավոր մարզիչ Խոսեպ Գվարդիոլան մեկնաբանել է Անգլիայի առաջնության 31-րդ տուրից տեղափոխված խաղում «Մանչեսթեր Յունայթեդի» նկատմամբ արտագնա հաղթանակը 2:0 հաշվով:
«Հասկանում էինք, թե ինչ ճնշում է մեզ սպասվում այս ստադիոնում: Տղաներին ասել էի, որ պետք է խաղանք հաղթանակի համար: 2 թիմերն էլ արժանի էին հաղթանակի, բայց հաղթում է թիմերից մեկը: Պարտվողը պետք է չցավա դրա համար, քանի որ ներդրել է ամբողջ ուժերը:
Մենք դեռ չեմպիոն չենք: Դեռ կա 3 հանդիպում. դա աներեւակայելի է՝ հաշվի առնելով, թե քանի միավոր ունենք մենք ու «Լիվերպուլը»: «Լիվերպուլը» հետապնդում է մեզ: Նրանք անհավանական բաներ են անում, սակայն ամեն բան մեր ձեռքում է»,- մարզիչի խոսքը մեջբերում է BBC-ն:
Հիշեցնենք, որ Գվարդիոլան առաջին մարզիչն է, որը Պրեմյեր լիգայում 3 անընդմեջ հաղթանակ է տանում «Մանչեսթեր Յունայթեդի» տնային ստադիոն «Օլդ Տրաֆորդում»:
Այդ հաղթանակից հետո «Մանչեսթեր Սիթին» շրջանցեց 88 միավոր ունեցող «Լիվերպուլին» եւ առաջնության ավարտից 3 տուր առաջ 89 միավորով գլխավորեց մրցաշարային աղյուսակը: Բոլոր մրցաշարերում «Մանչեսթեր Յունայթեդը» 7-րդ պարտությունը կրեց վերջին 9 խաղերում: «Մանչեսթեր Յունայթեդը» 64 միավորով 6-րդ տեղում է:
Հետևեք NEWS.am SPORT-ին Facebook-ում, Twitter և Telegram-ում
18:18 , 20 ապրիլի 
17:57 , 20 ապրիլի 
17:22 , 20 ապրիլի 
16:21 , 20 ապրիլի 
15:16 , 20 ապրիլի 
14:20 , 20 ապրիլի 
13:11 , 20 ապրիլի 
12:10 , 20 ապրիլի 
11:12 , 20 ապրիլի 
10:21 , 20 ապրիլի 
