ՈւԵՖԱ-ն ներկայացրել է ֆուտբոլի Չեմպիոնների լիգայի քառորդ եզրափակիչի պատասխան հանդիպումների լավագույն ֆուտբոլիստի 4 թեկնածուներին:
Շաբաթվա լավագույն ֆուտբոլիստի կոչման համար կպայքարեն Մատեյս Դե Լիգտը («Այաքս»), Հյոն-Մին Սոնը («Տոտենհեմ»), Լիոնել Մեսին («Բարսելոնա») եւ Ռոբերտո Ֆիրմինոն («Լիվերպուլ»): Հաղթողը հայտնի կդառնա ՈւԵՖԱ-ի կայքում անցկացվող քվեարկության արդյունքում:
Հիշեցնենք, որ կիսաեզրափակիչում կատալոնական «Բարսելոնան» կխաղա անգլիական «Լիվերպուլի» հետ, իսկ Լոնդոնի «Տոտենհեմի» մրցակիցը կլինի Ամստերդամի «Այաքսը», որը պայքարից դուրս է թողել Չեմպիոնների լիգայի նախորդ 3 մրցաշարերի հաղթող Մադրիդի «Ռեալին» ու Թուրինի «Յուվենտուսին»:
Չեմպիոնների լիգայի կիսաեզրափակիչի առաջին խաղերը տեղի կունենան ապրիլի 30-ին, իսկ պատասխան հանդիպումները՝ մայիսի 1-ին: Եզրափակիչը կկայանա հունիսի 1-ին Մադրիդի «Աթլետիկոյի» տնային ստադիոն «Վանդա Մետրոպոլիտանոյում»:
— UEFA Champions League (@ChampionsLeague) April 17, 2019
Matthijs de Ligt: Juventus v AJAX
Leo Messi: BARCELONA v Man. United
Heung-Min Son: Man. City v TOTTENHAM
Roberto Firmino: Porto v LIVERPOOL#UCL #POTW | @FTBSantander
Հետևեք NEWS.am SPORT-ին Facebook-ում, Twitter և Telegram-ում