Իսլանդիայում անցկացված «Ռեյկյավիկ Օփեն» շախմատային մրցաշարում Տիգրան Պետրոսյանը 9 հնարավորից վաստակել է 7 միավոր եւ բաժանել 1-8-րդ տեղերը: Լրացուցիչ ցուցանիշներով Պետրոսյանը գրավել է 6-րդ տեղը:
Հայաստանի մյուս ներկայացուցիչներ Ռոբերտ Հովհաննիսյանը եւ Սերգեյ Մովսեսյանը 6.5-ական միավորով բաժանել են 9-10-րդ տեղերը:
Վերջին՝ 9-րդ տուրում Տիգրան Պետրոսյանը եւ Սերգեյ Մովսեսյանը հաղթել են, իսկ Ռոբերտ Հովհաննիսյանը ոչ ոքի է ավարտել իր պարտիան:
Մրցաշարի հաղթող է դարձել ռումինացի Կոնստանտին Լուպուլեսկուն:
Կայծակնային խաղի մրցաշարում Տիգրան Պետրոսյանը 9 հնարավորից հավաքեց 7 միավոր եւ գրավեց երրորդ տեղը: 7.5 միավորով մրցաշարի հաղթող դարձավ անգլիացի Ջոնս Գավեյնը:
Հետևեք NEWS.am SPORT-ին Facebook-ում, Twitter և Telegram-ում