Ամեն ինչ փչացրեց պոկում վարժության երկրորդ մոտեցումը, որը չհաշվեցին: Այս մասին Բաթումիում ընթացքող Եվրոպայի առաջնությում ասել է 87 կգ քաշայինների պայքարում փոքր բրոնզե մեդալ նվաճած Տաթեւ Հակոբյանը՝ մեկնաբանելով իր մրցելույթը:
«Ինքս էլ ավելին էի սպասում ինձանից: Պատրաստ էի ավելին բարձրացնել: Չգիտեմ՝ ինչ-ինչ պատճառներով մի բան խանգարեց: Ամեն ինչ փչացրեց երկրորդ մոտեցումս, երբ բարձրացրի, բայց չհաշվեցին: Չեմ կարող ասել՝ ինչն էր ձախողմանս պատճառը: Թվում էր՝ ամեն ինչ լավ է: Լարվածություն չկար: Հուսով եմ՝ ապագայում կկարողանամ կանգնել պատվո հարթակի ամենաբարձր աստիճանին: Պետք է ինքս իմ մեջ վերլուծեմ եւ հասկանամ, թե ինչն էր պատճառը: Ձգտելու եմ անել ամեն ինչ, որ հայոց եռագույնը ծածանվի չեմպիոնության պատվին»,- ասաց Տաթեւ Հակոբյանը:
Նշենք, որ Տաթեւ Հակոբյանը չեմպիոնի հավակնորդներից մեկն էր: Նա 6 մոտեցումներից 4-ը ձախողեց: Պոկում վարժությունում հայ մարզուհին նվաճեց փոքր բրոնզե մեդալ՝ 105 կգ։ Հրում վարժությունում Հակոբյանը բարձրացրեց 125 կգ։
Լուսինե Շահբազյան, Արսեն Սարգսյան (Բաթումի)
NEWS.am Sport-ը լուսաբանումն իրականացնում է UCOM-ի աջակցությամբ
Հետևեք NEWS.am SPORT-ին Facebook-ում, Twitter և Telegram-ում
13:15 , 25 ապրիլի 
12:30 , 25 ապրիլի 
11:19 , 25 ապրիլի 
10:40 , 25 ապրիլի 
10:02 , 25 ապրիլի 
09:33 , 25 ապրիլի 
09:03 , 25 ապրիլի 
01:09 , 25 ապրիլի 
00:59 , 25 ապրիլի 
00:15 , 25 ապրիլի 
