«Բարսելոնայի» արգենտինացի հարձակվող Լիոնել Մեսին «Մանչեսթեր Յունայթեդի» դեմ Չեմպիոնների լիգայի քառորդ եզրափակիչի առաջին խաղում քթի եւ աչքի վնասվածք է ստացել։ Նա բուժզննում կանցնի։ Ենթադրվում է, որ կատալոնական թիմի ավագը քթի միջնապատի ճաք է ստացել։ Նա չի կարողացել քթով շնչել, հաղորդում է AS-ը։
Ֆուտբոլիստը բաց կթողնի «Ուեսկայի» դեմ Իսպանիայի առաջնության հաջորդ տուրի հանդիպումը, որպեսզի պատրաստ լինի «Մանչեսթեր Յունայթեդի» դեմ պատասխան խաղին ապրիլի 16-ին։
Հիշեցնենք, որ առաջին խաղում «Բարսելոնան» Անգլիայում հաղթել է 1։0 հաշվով։
Հետևեք NEWS.am SPORT-ին Facebook-ում, Twitter և Telegram-ում