Անդրանիկ Կարպետյանը չի մասնակցի Եվրոպայի առաջնությանը, քաշը ավել է 260 գրամով: Չհասցրեց իջեցնել: Այդ մասին NEWS.am Sport-ի թղթակցին հայտնեց Փաշիկ Ալավերդյանը:
Եվրոպայի առաջնության 81 կգ քաշայինների պայքարին չի մասնակցի 2016 թվականների Եվրոպայի չեմպիոն Անդրանիկ Կարապետյանը:
«Քաշն ավել է: Չհասցրեց իջեցնել: Կշռման արարողության ժամանակ կանգնեց կշեռքին, ասացին օկ է: Դուրս եկավ կշռման սրահից, ջուր խմեց եւ քաշն ավելացրեց: Կշռման սրահից հետ կանչեցին, մեկ անգամ էլ կշռվեց, քաշն արդեն ավել էր: 260 գրամով քաշն ավել է եւ մրցավարները թույլ չտվեցին մասակցի: Ոչինչ անել չենք կարող: Ես ուղղակի զարմանում եմ, թե ինչու այս տղայի մոտ ոչինչ չի ստացվում… Մեկ թեւն է կոտրում, մեկ զրո ստանում, այժմ էլ քաշն է ավելացել՝ ջուր խմելով»,- ասաց Փաշիկ Ալավերդյանը:
Այս քաշային կարգում Հայաստանից հայտավորված է նաեւ Ռաֆիկ Հարությունյանը, որը երկամարտում հայտագրել է 350 կգ։
Տղամարդկանց 81 կգ քաշայինների Ա խմբի պայքարը կմեկնարկի 20:20-ին:
Ապրիլի 11-ին Հայաստանը կունենա 2 մասնակից՝ 89 կգ քաշայինների պայքարում Հակոբ Մկրտչյանը եւ Դավիթ Հովհաննիսյանը: Ապրիլի 12-ին մրցահարթակ դուրս կգան 81 կգ քաշային Լիանա Գյուրջյանը եւ 87 կգ քաշային Տաթեւ Հակոբյանը: Ապրիլի 13-ին, առաջնության վերջին օրը Հայաստանը կունենա 6 մասնակից. +87 կգ՝ Արփինե Դալալյանը, 102 կգ՝ Արսեն Մարտիրոսյանը եւ Սամվել Գասպարյանը: Նույն օրը մրցահարթակ դուրս կգա նաեւ Սիմոն Մարտիրոսյանը (109 կգ), Ռուբեն Ալեքսանյանը եւ Գոռ Մինասյանը (+109 կգ):
Լուսինե Շահբազյան, Արսեն Սարգսյան (Բաթումի)
NEWS.am Sport-ը լուսաբանումն իրականացնում է UCOM-ի աջակցությամբ
Հետևեք NEWS.am SPORT-ին Facebook-ում, Twitter և Telegram-ում