Բռնցքամարտի Հայաստանի հավաքականը մեկնել է Գերմանիա

Բռնցքամարտի Հայաստանի հավաքականը մեկնել է Գերմանիա՝ մասնակցելու Քյոլնում կայանալիք աշխարհի գավաթի խաղարկությանը:

Գերմանիայում Հայաստանը կներկայացնեն 49 կգ քաշային Արթուր Հովհաննիսյանը, 52 կգ քաշային Վահե Բադալյանը, 56 կգ քաշային Էրիկ Պետրոսյանը, 60 կգ քաշային Հրայր Շահվերդյանը, 75 կգ քաշային Արման Դարչինյանը, 91 կգ քաշային Հենրիկ Սարգսյանը: Աղջիկների պայքարում ռինգ դուրս կգան 51 կգ քաշային Անուշ Գրիգորյանն ու 64 կգ քաշային Անի Հովսեփյանը, հայտնում է ՀԲՖ մամուլի ծառայությունը:

Հայ բռնցքամարտիկները մրցավայր են մեկնել հավաքականի գլխավոր մարզիչ Ռուդիկ Մկրտչյանի և երկրորդ մարզիչ Վահան Ադիլխանյանի գլխավորությամբ:

Հետևեք NEWS.am SPORT-ին Facebook-ում, Twitter և Telegram-ում